وهم السياده!
*******
معدش فاضل حلم يا مصر
من وهم السياده
جوا أخر شهقه
في مخاض الولاده
وسط طلقة موت
عاشقه جبروت البياده
معدش فاضل حلم يا مصر
غير زفرة شهاده
فوق دروب الحزن
تتنفس وجع
ساكنه ظلام الشق
في زمان البدع
وجندي خاضع
لانحراف رع المقل
مجبر يعود للوحل
تحت بند مُرتجع
أنا اللي جوا الذل يا مصر
محني ومستكين
مش صعب أبداً أهديكي روحي
واللا أهديكي لدين
وندرن عليا يا مصر
لو يوم رجعت
إن يوم الحق
أرجع لك جنين
واشب من رحمك وميض
يمكن يعين
يمكن يعين
يمكن يعين!!!!
****
شعر عامي
عزت عبد العزيز حجازي
ليست هناك تعليقات:
إرسال تعليق