كام قطر فات؟
كام قطر فات يا امانا واحنا ..
واحنا لسه متربعين ع المحطه في انتظار .. ؟!
كام قطر فات يا امانا واحنا ..
واحنا لسه متلفحين ع المحطه بالغُبار .. ؟!
متكسره في قلوبنا أزاهير ورد السنين ..
متبعتره في عيونا أحجار مُدن الحنين ..
جاي الخلاص من دموع يأسنا ..
واللا الأمل مقتول على باب كُل دار .. ؟!
جاي الخلاص من جنون بأسنا ..
واللا الدُجَى لسه مطلعلوش نهار .. ؟!
لو بس يوم في أخر النفق تلمحنا عين ..
لو بس يوم تسرقنا نجمه ..
وترمينا في أبعد مدار .. !!!!
****
غنائية بالعامية المصرية
كلمات
عزت عبد العزيز حجازي
ليست هناك تعليقات:
إرسال تعليق