لفيت بلاد - غنائية من نظم عزت عبد العزيز حجازي

لفيت بلاد!

************

لفيت بلاد كتيره..

فى عيونِك يا أميره..

ما لقيت للشوق سفينه..

ولا شط فى أى مينا..

ولا غنوة سندباد..!!

**

سحرك ملاح أنانى..

وفْ بحرك راح رمانى..

خبانى عن زمانى..

عن إسمى وعن مكانى..

وعن حُضنِك بلاد..!!

**

لو كان الأمر أمرى..

لو كان فى شىء بأمرى..

ولا كان حنين فى عُمرى..

ولا كان سهر لقمرى..

ولا كان ليل البعاد..!!

**

من حقى أسأل عيوِنٍِك..

إيه قصدِك من جنونك..

وضياعى بين شطوطِك ؟؟

لو بس يوم أشوفِك..

كاسره شٍراع العِناد..!!

****

غنائية من نظم

عزت عبد العزيز حجازي